Міжнародны дзень роднай мовы.
З легендаў i казак былых пакаленняў,
З калосся цяжкога жытоў i пшанiц,
З сузор`яў i сонечных цёплых праменняў
Ты выткана, дзiўная родная мова
Сёння ў свеце налічваецца больш за шэсць тысяч моў. Палова з іх знаходзіцца пад пагрозай знікнення. Менавіта дзеля іх захавання, садзейнічання прызнанню і выкарыстанню ў 1999 годзе рашэннем ЮНЕСКА быў абвешчаны Міжнародны дзень роднай мовы, які адзначаецца 21 лютага.
Актыўны ўдзел у святкаванні прымаюць і нашы маленькія беларусы. Чытанне і расказванне беларускіх народных казак, тлумачэнне прыказак і прымавак, беларускія народныя гульні, падарожжа па старонках дзіцячых часопісаў на роднай мове – гэта толькі невялікая частка з шэрагу тых мерапрыемстваў, якія ўвайшлі ў праграму святочнага дня. З заклікам размаўляць на роднай мове звярнуліся педагогі ўстановы і выхаванцы і да бацькоў, размясціўшы святочныя плакаты, паштоўкі і запрашэнні на стэндах і ў бацькоўскіх кутках.
