Разам мы такая сіла!
Вялікая каштоўнасць кожнага чалавека - здароўе. Выгадаваць дзіця моцным, дужым, здаровым - гэта жаданне бацькоў і адна з вядучых задач, якая стаіць перад установай дашкольнай адукацыі. Адзначым, што ў нашай краіне гэтаму надаецца шмат увагі.
Спартыўная забава “Разам мы такая сіла!”, праведзеная ў нашай установе дашкольнай адукацыі, нікога не пакінула абыякавым.
На старт выйшлі дзве каманды: «Сябры» і «Усмешка». Прагучала прывітанне каманд, і пачалося самае цікавае і захапляльнае - каманды прыступілі да спаборніцтваў. Удзельнікаў чакала шмат выпрабаванняў.
За ходам падзей сачылі маленькія гледачы і вельмі хваляваліся за свае каманды.
Выхаванцы атрымалі зарад бадзёрасці і добры настрой. Удзельнічаючы ў забаве, дзеці змаглі адчуць сябе вялікай спартыўнай, адзінай сям'ёй! Свята атрымалася захапляльным і цікавым, пакінула масу станоўчых эмоцый і ўражанняў. На спартыўнай пляцоўцы панавалі смех, шум і весялосьць. Праведзеная спартыўная забава згуртавала дзяцей, якія адчулі сябе моцным калектывам! Спаборніцтвы сталі сапраўдным святам спорту і здароўя!
