Лёгкі хлеб
Адным з важных шляхоў творчага пазнання рэчаіснасці дзецьмі дашкольнага ўзросту з'яўляецца казка. Народныя казкі — найбагацейшы скарб, у іх увасоблены мудрасць, мастацкі талент народа, глыбокі роздум чалавека над жыццём, яго вопыт, назіранні за навакольнымі з'явамі. Казка ўзнаўляе даўно забыты час і падзеі, страчаныя ў памяці народа, своеасаблівы каларыт часу і жыцця. Менавіта праз казку дзеці дакранаюцца да жыцця, культуры, быту нашых продкаў.
Казка дае маленькаму чалавеку ўрокі патрыятызму і маралі. Усім сваім паэтычным ладам яна вучыць разумець народнае ўяўленне пра добрае і злое, высокае і нізкае, сумленнае і агіднае, гуманнае і жорсткае. Яна садзейнічае развіццю эстэтычных пачуццяў, без якіх немагчыма высакароднасць душы, суперажыванне, сардэчная чуласць да чалавечага гора, пакут. Яна ўмацоўвае ў дзяцей жыццялюбства, аптымізм, вучыць іх марыць, развівае ўяўленне, будзіць творчыя здольнасці.
Так на занятку па азнаямленню з казкай "Лёгкі хлеб" нашы выхаванцы не толькі ўпэўніліся, што лёгкага хлеба на самай справе не бывае, але і самі паспрабавалі стварыць найсмачнейшыя і найдаражэйшыя пачастункі - духмяныя піражкі і булачкі!
Дзякуючы казцы дзеці пазнаюць свет не толькі розумам, але і сэрцам.
