Прыйшлі Калядкі – зімовыя святкі
Каляда прыйшла,
Дзверы адчыняйце!
Калядоўшчыкаў у хату
Шчыра запрашайце!
Сёння адбылося знаёмства з адным самых таямнічых і вясёлых свят – КАЛЯДКІ. Выхаванцы з задавальненнем гулялі, танцавалі, гралі на музычных інструментах, актыўна ўдзельнічалі ў гульнях з пераапрананнем у казу, мядзведзя, ваўка. Пазнаёміліся з народнымі прыметамі:
*Ясныя дні перад Калядамі — на добры ўраджай.
* Калі на Каляды дзень цёплы — летам пчолы будуць добра раіцца.
* Калі на Каляды пагодна — чакай ураджайнага года.
* На Каляды іней — ураджай на хлеб, неба у зорках — ураджай на гарох будзе.
* Калі у ноч на калядную куццю многа зорак на небе, добры ўраджай чарніц будзе, а калі зоркі рэдкія, то і ягады будуць рэдка.
Дзеці акунуліся ў дзівосны свет народнай культуры, атрымалі добры, радасны настрой.
