Віншуем любых матуль і бабуль.
Павіншуем мам сваіх,
Мам любімых, дарагіх.
Дружна шчасця пажадаем,
Дружна песьню заспяваем.
Вельмі рад, вельмі рад
Мам сустрэць дзіцячы сад.
(Артур Вольскі)
Наступіла доўгачаканая змена: люты на календары змяніўся першым вясновым месяцам - сакавіком. А гэта значыць, што ў пачатку сакавіка мы адзначаем самае вясновае, самае пяшчотнае, самае любімае, самае прыгожае і мілае свята - Міжнародны жаночы дзень.
4 сакавіка ў нашай установе дашкольнай адукацыі па традыцыі прайшоў ранішнік, прысвечаны такому цудоўнаму святу. Вясёлыя песні і танцы, актыўныя гульні і конкурсы, з удзелам мам і бабуль, развесялілі дзяцей і дарослых.
І вядома, не абышлося і без падарункаў! Выхаванцы падарылі мамам кветкі пасаджаныя і выгадаваныя сваімі рукамі, спецыяльна да свята.
