Зімовая карціна.
Марозныя зімовыя дзянёчкі хутка могуць скончыцца. Таму нашы дзеці разам з выхавальнікамі вырашылі выкарыстаць падарункі надвор'я, каб стварыць цудоўныя зімовыя карціны.
Згадзіцеся, што прыемнае з карысным – гэта цудоўнае спалучэнне! Мы таксама ў гэтым упэўнены. А нашы выхаванцы яшчэ раз падцвердзілі нашу думку, калі праявілі жывую цікавасць да прапановы ўпрыгожыць пляцоўкі каляровымі ледзянымі фігуркамі. Нават цяжка сказаць, чаго было больш: прыемнага ці карыснага. Карысць у тым, што дашкаляты замацавалі ўласцівасці вады пры яе змешванні з фарбамі і замярзанні. А прыемна наогул усе: упрыгожаныя рознакаляровымі фігуркамі пляцоўкі, актыўнасць дзетак у працэсе іх стварэння, іх усмешкі і добры настрой, задавальненне ад выніку выхавальнікаў. Як быццам на чыстым лісце беласнежнай зімы мастак пакінуў адну са сваіх лепшых карцін. Паспрабуйце і вы! Мы ўпэўнены, што вам таксама спадабаецца!
